Kataloniyaning "Barselona" klubi joriy mavsumda jamoada "Atletiko Madrid"dan ijara asosida o'ynayotgan hujumchi Joau Feliks xizmatlaridan bosh tortmoqchi emas.

Insayder Jerar Romeroning so'zlariga ko'ra, jamoa rahbariyati moliyaviy muammolar tufayli portugaliyalikni kelayotgan yozda sotib olmoqchi emas. Biroq “Barselona” Joauning ijara muddatini yana bir mavsumga uzaytirmoqchi. "Atletiko" rahbariyati bu fikrga qanday munosabatda ekanligi hozircha noma'lum.

"Manchester Siti"dan ijaraga olingan Joau Kanseluga kelsak, "Barselona" portugaliyalikni yozda 15-20 million evroga sotib olishga tayyor.