Kataloniyaning "Barselona" klubi yozda "Bavariya" vingeri bilan kuchaymoqchi. Sport.es nashri xabariga ko'ra, kataloniyaliklar Myunxen klubi bilan shartnomasi bir yarim yildan so'ng tugaydigan Leroy Sane transferini so'ragan.

Manbaga ko'ra, "Barselona" nemisga qiziqish bildirayotganiga qaramay, ayni damda hammasi Sane "Bavariya" bilan shartnomasini uzaytirish tomon ketmoqda. Myunxen rahbariyati Leroy bilan yangi shartnoma bo'yicha so'nggi muzokaralarda muvaffaqiyatga erishdi.

Ushbu Germaniya chempionatida Sane 8 ta gol urdi va 11 ta golli uzatmani amalga oshirdi. Avvalroq Leroy "Manchester Siti"ga qaytishi mumkinligi haqida xabarlar tarqalgan edi.