Kataloniyaning "Barselona" klubi yarim himoyachi Frenki de Yongni jamoada saqlab qolish uchun katta summa to'lashga majbur.

RAC1 ma'lumotlariga ko'ra, "ko'k-anorranglilar" faqat niderlandiyalikning maoshi uchun 24 oy ichida 77 million evro ajratishi kerak.

Manbaga ko'ra, de Yong yiliga 38,5 million evro maosh oladi.

Buning ustiga “Barselona” yarim himoyachidan 18 million evro atrofida qarzdor.

O'z vaqtida "ko'k-anorranglilar" maosh to'lashni ma'lum muddatga kechiktirgan, ammo Frenki klubni qarz uchun kechirmagan.