"Barselona" hujumchisi Memfis Depay mavsum o'rtasida klubini o'zgartirmoqchi emas.

Mundo Deportivo xabariga ko'ra, niderlandiyalik futbolchi "Galatasaroy"ga o'tishni istamayapti.

Manbaga ko'ra, turk jamoasi Memfis bilan bog'lanib, hujumchining “sherlar” safiga o'tishini muhokama qilgan. Aytishlaricha, futbolchi "Barselona" bilan shartnomasini oxirigacha ishlab berish niyatida ekanligini aniq aytgan.

Eslatib o'tamiz, "Barselona"ning niderlandiyalik futbolchi bilan amaldagi kelishuvi mavsum oxirida yakuniga etadi. Ispaniya chempionatining joriy mavsumida Depay bitta gol urdi.