"Barselona" Evropa klublariga mavsum oxirigacha ijaraga bergan va so'nggi oylardagi o'yinlari ayniqsa quvonarli bo'lgan 8 nafar futbolchiga umid qilmoqda.

Qaysi futbolchilar yangi mavsum boshlanishidan oldin Kataloniyaga qaytarilishi yoki foydasiga sotilishi mumkin bo'ladi?

Erik Garsiya («Jirona»)

23 yoshli markaziy himoyachi Garsiya bosh murabbiy Michel uchun muhim futbolchi. Joriy mavsumda u "Jirona" safida 17 ta o'yinda maydonga tushdi. Yanvar oyida u mushagidan engil jarohat oldi, u allaqachon tuzalib bo'lgan va mavsumning so'nggi qismida asosiy tarkibda o'ynashni davom ettirish niyatida.

Serjino Dest («PSV»)

Amerikalik futbolchi Niderlandiya klubidagi ijarasidan o'z manfaati uchun foydalanadi - u asosiy tarkibda ajralmas futbolchiga aylangan. Dest 26 uchrashuvda bir gol va 5 golli uzatmaga ega, "PSV" futbolchini 10 million evroga sotib olish huquqidan foydalanishi mumkin.

Ansu Fati («Brayton»)

21 yoshli hujumchi noyabr oyida mushaklaridan olgan jarohatidan so'ng "Brayton" safiga qaytdi. Ansu De Zerbi jamoasi safida hozirgacha 16 ta o'yinda 4 ta gol va 1 ta golli uzatmaga mualliflik qilgan.

Kleman Langle («Aston Villa»)

Mavsumni omadsiz boshlaganidan so'ng, frantsiyalik himoyachi “Aston Villa”ning asosiy jamoasiga qo'shildi va Unai Emeri qo'l ostida 15 ta o'yin o'tkazdi. U yaxshi ishlaydi va kelgusi yozda sotilishi mumkin.

Xulian Arauxo («Las-Palmas»)

22 yoshli meksikalik futbolchi "Las-Palmas"da kutilmagan hodisalarga sabab bo'ldi. U 20 ta o'yinda maydonga tushib, 2 ta gol urgan. U Garsiya Pimienta jamoasiga ta'sir qilishda davom etishi kutilmoqda.

Pablo Torre («Jirona»)

Pablo Torre (20 yosh) "Jirona"ning 9ta o'yinida qatnashdi - Michel unga umid qilmoqda. "Barsa" yosh pleymeykerni Alesh Garsiyani qo'lga kiritish uchun transfer jarayoniga qo'shishi mumkin.

Shadi Riad («Betis»)

Marokashlik markaziy himoyachi - "Betis"ning joriy mavsumdagi asosiy kashfiyotlaridan biri. 20 yoshli futbolchi o'rinbosarlar jamoasidan shartnoma asosida kelgan bo'lsada, asosiy jamoada 16ta o'yinda maydonga tushdi. Ajoyib o'yinlar Shadiga Afrika kubogi uchun Marokash terma jamoasi safidan joy olishga yordam berdi.

Aleks Vale («Levante»)

Chap qanot laterali (19 yosh) "Levante"dagi barcha kutilgan holatlardan oshiqchasiga o'ynab yubordi.

U Segundada allaqachon 21 ta o'yin o'tkazgan, biroq oxirgi o'yinda mushaklaridan jarohat olgan, shu bois u bir necha haftani o'tkazib yuborishga majbur bo'ladi.