"Liverpul" yozgi transfer uchun o'z imkoniyatlarini o'rganmoqda. Fichajes xabariga ko'ra, mersisaydliklar "Barselona" himoyachisi Andreas Kristensenga qiziqish bildirmoqda. Taxminlarga ko'ra, "qizillar" daniyalik uchun 50 million evrogacha to'lashga tayyor. Kataloniyaliklar moliyaviy ahvoli qaltisligini hisobga olib, kelishuvga tayyor.

Andreas Kristensen avvalroq Angliyada “Chelsi”da o'ynagan. Transfermarkt portali mutaxassislari 27 yoshli futbolchini 40 million evroga baholamoqda.

“Liverpul” ayni damda Angliya chempionati turnir jadvalida birinchi o'rinni egallab turibdi.