"Barselona" yarim himoyachisi Ilkay Gyundogan ertaga, 21 fevral kuni bo'lib o'tadigan ushbu turnirning 1/8 finalida Kataloniya klubining "Napoli"ga qarshi o'yini oldidan "ko'k-anorranglilar"ning joriy Chempionlar ligasida muvaffaqiyatli o'ynash imkoniyatlariga baho berdi.

"Ochig'ini aytaman, men boshqa jamoalarni ko'proq imkoniyatlar va tajribaga ega favorit sifatida ko'raman. Ammo chorak finalga chiqsak, ajoyib holatda bo'lamiz. O'tgan yili "Inter" finalga chiqishini kim kutgan edi? Men realistman, lekin bu barcha jamoalar uchun qiyin ekanligini ham bilaman. Biroq, biz bu musobaqaga tayyormiz", - dedi Gyundogan Mundo Deportivo bilan suhbatda.