Kataloniyaning "Barselona" klubi yarim himoyachisi Ilkay Gyundogan Xavi Ernandesning jamoa bosh murabbiyligidan ketishi haqida fikr bildirdi. Eslatib o'tamiz, aynan ispaniyalik mutaxassis yarim himoyachini o'tgan yozda erkin agent sifatida klubga taklif qilgandi.

"Xavining mavsum oxirida jamoani tark etish qarori meni hayratda qoldirdi. U uchun ko'proq narsani qilishimni xohlardim. Menda shunday tuyg'u bor", - deya Gyundogan so'zlarini keltirgan DPA.

Xavi ketganidan keyin "Barselona"ning yangi murabbiyi kim bo'lishi hozircha ma'lum emas.