Terri Anri "Barselona"ning "Napoli"ga qarshi o'yinidan so'ng Xavi Ernandesni qo'llab-quvvatlashini bildirdi.

1/8 finalning birinchi o'yinida kataloniyaliklar g'alabani saqlab qola olishmadi – 1:1.

Javob o'yini 12 mart kuni "Barsa" maydonida bo'lib o'tadi.

Uchrashuv yakunlangach, teledastur bo'yicha mutaxassis bo'lib ishlayotgan Anri o'yindan keyingi intervyu vaqtida Xaviga murojaat qildi:

“Salom, Xavi, do'stim. Odamlar nima deyishi menga qiziq emas. "Barsa"dagi ishingdan qoyil qoldim.

Sen chempionlikni qo'lga kiritding, menga futbol haqida ko'p narsalarni o'rgatding. Men uchun sening miyang hech kimdan kam emas.

O'yinni ko'rish borasida faqat Pep Gvardiola sen bilan bahslashishi mumkin", - dedi Anri.