"Barselona"ning sobiq futbolchisi Jerar Deulofeu tizzasidagi jarohatidan tiklanishi haqida gapirdi. Ispaniyalik futbolchi 2023 yilning yanvarida kasalxonaga yotqizilgan edi.

"Jarohatim tufayli bir yildan ortiq vaqt davomida maydonga chiqib, o'zim yoqtirgan ish bilan shug'ullana olmayapman. Siz nimalarni boshdan kechirganimni bilmaysiz. Men endi umuman futbol o'ynay olmasligim ehtimoli bor", - deya 29 yoshli vingerning so'zlarini keltiradi EuroFoot.

Eslatib o'tamiz, Jerar 2020 yildan beri Italiyaning “Udineze” klubi futbolchisi hisoblanadi. Klub va futbolchi o'rtasidagi mehnat shartnomasi joriy mavsum oxirida tugaydi.