"Chelsi" yana "Barselona" himoyachisi Jyul Kundeni o'z safiga qo'shib olishga urinib ko'radi, deya xabar beradi jurnalist Grem Beyli .

Manbaga ko'ra, "Chelsi" rahbarlari yaqinlashib kelayotgan yozgi transfer oynasida Kundeni qo'lga kiritishga urinishadi. London skautlari Chempionlar ligasi 1/8 finalining "Napoli" bilan birinchi o'yinida bo'lib, 25 yoshli futbolchining o'yinini tomosha qilishdi.

Kunde 2022 yilning yozida 50 million evro evaziga "Sevilya"dan "Barselona"ga o'tgan edi. Joriy mavsumda himoyachi "Blaugrana"ning barcha turnirlarida 32ta o'yinda qatnashib, ikkita gol va bitta golli uzatmani amalga oshirdi.