"Barselona"ning sobiq markaziy himoyachisi Jerar Pike "Manchester Siti" bosh murabbiyi Pep Gvardiolani futbol tarixidagi eng yaxshi murabbiy deb atadi. Eslatib o'tamiz, sobiq himoyachi 2009 yildan 2012 yilgacha mutaxassis qo'l ostida ishlagan.

"Gvardiola - daho. Men va ko'pchilik uchun u futbol tarixidagi eng yaxshi murabbiy. Gvardiolada barcha kerakli sifatlar mavjud. U "Barselona" futbolchilarining eng yaxshi avlodini boshqargan. O'ylashimcha, Gvardiola ko'pchiligimizga faoliyatimizda yordam berdi. Xosep har kuni o'zining eng zo'r ekanligini isbotlamoqda", - deya Pikening so'zlarini keltiradi ESPN.

Gvardiola faoliyati davomida “Barselona”, “Bavariya” va “Manchester Siti” klublarini boshqargan. Umuman olganda, ushbu uch jamoa tarkibida ispaniyalik mutaxassis 37 ta sovrin, jumladan, uchta UEFA Chempionlar Ligasidag'olibi bo'lgan.