Kataloniyaning "Barselona" klubi yangi bosh murabbiy izlamoqda. Klubning qisqa ro'yxatiga 4 nafar nomzod kiritilgan, deb xabar beradi Diario Sport.

Manbaga ko'ra, "blaugrana" quyidagi mutaxassislardan birini tanlashi kutilmoqda: Xans-Diter Flik, Roberto de Dzerbi, Tomas Tuxel va Yulian Nagelsmann. Qaror Joan Laporta va sport direktori Deku tomonidan birgalikda qabul qilinadi.

Eslatib o'tamiz, Xavi Ernandes joriy mavsum yakunida "Barselona" bosh murabbiyi lavozimini tark etadi. Ispaniya chempionatining 26-turidan so'ng kataloniyaliklar 57 ochko jamg'arib, turnir jadvalida uchinchi o'rinda bormoqda.