Kataloniyaning "Barselona" klubi bosh murabbiyi Xavi Ernandes sobiq jamoadoshi Andres Inestani futbolchilik faoliyatidagi 1000-uchrashuvi bilan tabrikladi.

Eslatib o'tamiz, 39 yoshli yarim himoyachi hozirda Birlashgan Arab Amirliklarida o'ynamoqda va "Emireyts" jamoasi sharafini himoya qiladi.

"Inesta - men ispan futbolida ko'rgan eng yaxshi iqtidor. Bundan tashqari, u mening do'stim. Andresni faoliyatidagi 1000-uchrashuvi bilan tabriklayman. Men uni tarixdagi eng yaxshi futbolchilardan biri deb bilaman”, - dedi Xavi matbuot anjumanida.

Eslatib o'tamiz, Xavi Inesta bilan birga "Barselona" o'yinchisi sifatida 4 marta Chempionlar ligasida g'olib chiqqan.