"PSJ" bosh murabbiyi Luis Enrike yaqin kelajakda jamoasini tark etishni istamayapti. Sport.es nashri xabariga ko'ra, ispaniyalik mutaxassis Parijda baxtli. Manbaga ko'ra, "PSJ" rahbariyati ham Enrikening ishidan qoniqish hosil qilmoqda va uni iste'foga chiqarmoqchi emas.

Uning qaytishiga "Barselona" qiziqayotgan bo'lsada, Luis jamoani tark etishni istamayapti. Oldinroq ispaniyalik bosh murabbiylik uchun "ko'k-anorranglilar" rahbariyatiga ustuvor nomzod ekanligi haqida xabar berilgandi.

Enrike boshchiligidagi "PSJ" yaqinda 2021 yildan beri ilk bor Chempionlar ligasining chorak finaliga chiqdi.