«Barselona» hujumchisi Lionel Messi Ispaniya chempionatining 15-turi doirasida «Atletiko»ga qarshi bo'lib o'tgan o'yinda (1:0) g'alaba to'pini kiritishga muvaffaq bo'ldi. Argentinalik futbolchi uchun bu gol "matraschilar"ga qarshi La liga doirasidagi 25-gol bo'ldi (27ta o'yinda). U chempionat doirasida bundan ko'proq golni faqat «Sevilya»ga urgan (29ta gol).Bundan tashqari, Messi madridliklarning yangi stadioni — «Vanda Metropolitano»da ilk marta to'p kiritdi. Leo La liganing ushbu mavsumida o'ynayotgan barcha jamoalarning stadionlarida gol urgan. Shuningdek, futbolchi faoliyati davomida Primera doirasida 38ta jamoa arenasida raqib darvozasini ishg'ol qilgan. Bu La liganing mutlaq rekordi hisoblanadi."Barsa" sardori ushbu mavsumda Ispaniya chempionati doirasida 8ta o'yinda maydonga tushib, 9ta gol urdi va 5ta golga uzatma berdi.