Bugun Frantsiyaning "France Football" jurnali tomonidan tashkil etilgan "Oltin to'p"ni topshirish marosimi o'tkaziladi. Tadbir Parij shahrida bo'lib o'tadi. Bu galgi sovrin uchun ikki asosiy nomzod bor — Virjil van Deyk va Lionel Messi. Agar "Liverpul" himoyachisi sovrinni qo'lga kiritsa, uning uchun faoliyatidagi ilk "Oltin to'p" bo'ladi. Messi uchun esa bu oltinchi sovringa aylanishi mumkin.Krishtianu Ronaldu esa bugunga marosimga tashrif buyurmasligi mumkin. "Oltin to'p"ni topshirish marosimi Toshkent vaqti bilan 23:30da boshlanadi. Tadbir Futbol TV telekanali orqali jonli translyatsiya qilinadi.