Avvalroq "Manchester Siti" "Barselona"ning yosh markaziy himoyachisini o'z safiga qo'shib olmoqchi edi. Gap 17 yoshli Pau Kubarsi haqida ketmoqda, u mavsumning ikkinchi yarmida jamoada asosiy o'yinchiga aylandi.

Relevo xabariga ko'ra, "shaharliklar" avvalroq Kubarsi bilan ehtimoliy transferni muhokama qilgan, biroq futbolchining atrofidagilar Pau "Barselona"da qolishni istayotganini aniq aytishgan.

Kubarsining "blaugrana" bilan amaldagi shartnomasi 2027 yilning yozida tugaydi, ammo kataloniyaliklar rahbariyati markaziy himoyachi bilan uzoq muddatli shartnoma imzolamoqchi.