Kataloniyaning "Barselona" klubi sport direktori Deku yangi bosh murabbiy izlash haqida gapirdi. Matbuotda mumkin bo'lgan variantlar orasida Pep Gvardiola, Yurgen Klopp va Mikel Arteta bor.

“Klubimiz Gvardiola, Klopp va Artetani juda qadrlaydi, ammo ular hozircha mavjud emas. Bu uchlik bilan hech qanday muzokaralar olib borilmayapti, shuning uchun ularning nomini tilga olishdan foyda yo'q. Hozircha biz hech kim bilan muzokaraga kirishganimiz yo'q", - deya Dekuning so'zlaridan iqtibos keltiradi Cadena SER.

Hozirda "blaugrana" bosh murabbiyi lavozimini ispaniyalik mutaxassis Xavi Ernandes egallab turibdi. Yanvar oyida murabbiy joriy mavsum yakunlangach, "Barselona"ni tark etishini ma'lum qilgandi.