"Barselona" vingeri Lamin Yamal "Inter Mayami" hujumchisi Lionel Messi bilan solishtirish borasida o'z fikri bilan o'rtoqlashdi.

“Bu matbuotning ixtiyorida. Ammo Lionel Messidek futbolchi hech qachon bo'lmaydi", - deya Yamal so'zlarini keltiradi Diario Sport.

"Ko'k-anorranglilar"ning asosiy jamoasi uchun 16 yoshli Yamal 40 ta o'yin o'tkazib, 6 ta gol urdi va 7 ta golli uzatmani amalga oshirdi. Ispaniyalik futbolchining kataloniyaliklar bilan tuzgan shartnomasi 2026 yilning iyun oyi oxirigacha amal qiladi. Transfermarkt sayti futbolchining narxini 60 million evroga baholagan.