Dani Alves garov pulini to'lash va qamoqdan chiqish uchun kredit oldi
Banklardan biri braziliyalik futbolchi o'zi uchun garov to'lab, Ispaniya qamoqxonasidan chiqib ketishi uchun "Barselona" sobiq himoyachisi Dani Alvesga 1 million evro miqdorida kredit berishga rozi bo'ldi, deb yozmoqda "Mundo Deportivo".
Manbaga ko'ra, sobiq futbolchining do'stlari unga qarz berishdan bosh tortishgan.
20 mart kuni futbolchi apellyatsiya ko'rib chiqilayotgan vaqtda hibsdan ozod qilinishi uchun 1 million evro miqdorida garov to'lashi mumkinligi ma'lum bo'ldi.
22 fevral kuni Barselona sudi 40 yoshli Alvesni 2022 yilda Kataloniya poytaxtidagi tungi klubda qizni zo'rlagani uchun 4,5 yilga ozodlikdan mahrum qildi. Bundan tashqari, braziliyalik jabrlanuvchiga ma'naviy tovon sifatida 150 ming evro to'lashi kerak edi.
22-Mart 2024,18:00
1140 © UzBarca.Com