"Barselona" prezidenti Joan Laportaning fikricha, markaziy himoyachi Ronald Arauxo yaqin kelajakda jamoani tark etmaydi.

Urugvaylik futbolchi "Bavariya"ning uzoq yillik transfer maqsadi hisoblanadi. Myunxenliklar, ba'zi ma'lumotlarga ko'ra, 25 yoshli futbolchini yanvar oyida sotib olishga uringan va yozda yangi taklif bilan qaytishni rejalashtirgan.

"Ishonchim komilki, Ronald "Barselona"da qoladi. Ko'pchilik klubimizni qiyin moliyaviy ahvolda deb o'ylaydi, ammo hozir hammasi ancha yaxshi bo'ldi", - dedi Laporta.

Markaz himoyachisining "Barselona" bilan shartnomasi 2026 yilgacha mo'ljallangan.