Ispaniya terma jamoasi va Bilbaoning "Atletik" klubi hujumchisi Niko Uilyams o'z kelajagi haqida gapirdi.

"Bilbao mening uyim. Yaqinda klub bilan yangi shartnoma imzoladim. Men bu erda baxtliman", - dedi Uilyams Radiogaceta bilan suhbatda.

Avvalroq matbuotda Uilyamsga “Barselona” va “Chelsi” klublari qiziqish bildirayotgani haqida xabarlar tarqalgan edi. Nikoning Bilbao klubi bilan shartnomasi 2027 yilning o'rtalariga qadar tuzilgan.

O'tgan mavsumda hujumchi "Atletik" safida 37 ta o'yin o'tkazib, 8 ta gol va 19 ta golli uzatmani amalga oshirgan. Uilyams ayni damda Ispaniya terma jamoasi safida Evro-2024da o'ynamoqda.