Kataloniyaning “Barselona” klubi Ispaniya chempionati doirasidagi “Las-Palmas”ga qarshi navbatdagi o'yinda ikki futbolchisiga tayana olmasligi mumkin. Mundo Deportivo xabariga ko'ra, Andreas Kristensen va Ronald Arauxo jamoaga yordam bera olmaydi.

Ikkala futbolchi ham terma jamoalar safida jarohat olgan, shu bois ularning “Las-Palmas”ga qarshi o'yindagi ishtiroki so'roq ostida. Tibbiyot xodimlari o'yin oldidan Arauxo va Kristensenning ahvoliga baho berishadi, shundan so'ng qaror qabul qilinadi.

"Barselona" ayni damda Ispaniya chempionatida ikkinchi o'rinda bormoqda.