Kataloniyaning “Barselona” klubi yarim himoyachisi Pedri Chempionlar ligasi chorak finalida “PSJ” bilan birinchi o'yinda ishtirok eta olishi dargumon. Sport.es xabariga ko'ra, ispaniyalik parijliklar bilan birinchi o'yinga tiklanishga ulgurmaydi.

Pedri "Barselona" stadionida bo'lib o'tadigan javob o'yinida maydonga qaytishi kutilmoqda. Shuningdek, yana bir yarim himoyachisi Frenki de Yong birinchi o'yinda maydonga tusha oladimi yoki yo'qmi hozircha ma'lum emas.

Ispaniya chempionatining ushbu mavsumida Pedri ikkita gol urdi va ikkita golli uzatmani amalga oshirdi.