Kataloniyaning “Barselona” klubi yarim himoyachisi Serxi Roberto Chempionlar ligasi chorak finalida “PSJ”ga qarshi bo'ladigan o'yinda maydonga tushishi mumkin.

Jurnalist Ferran Korreasning ma'lumotlariga ko'ra, agar Frenki de Yong jarohatidan to'liq forig' bo'lmasa, ispaniyalik futbolchining maydonga tushish imkoniyati bo'ladi. Manbada aytilishicha, bosh murabbiy Xavi Ernandes Robertoga ishonadi.

Ispaniyalik mutaxassisning fikricha, Serxi tajribasi "Barselona"ga "PSJ" bilan ikki o'yinlik qarama-qarshilikda yordam berishi mumkin.