Germaniyaning "Bavariya" klubi Angliyaning "Manchester Siti" jamoasi himoyachisi Joau Kanseluni qaytarmoqchi, deb xabar bermoqda "Relevo".

29 yoshli Kanseluning transferi uchun "Bavariya" portugaliyalik ijara asosida o'ynayotgan Ispaniyaning "Barselona" klubi bilan raqobatlashishi kerak. "Ko'k-anorranglilar" himoyachini 30 million evroga sotib olishga tayyor, "Siti" esa 40-50 million evro talab qilmoqda.

Joao Kanselu joriy mavsum "Barselona" libosida 33 ta o'yinda qatnashib, 4 ta gol urdi va 4 ta golga assistentlik qildi.