Kataloniyaning "Barselona" klubi va 17 yoshli markaziy himoyachi Pau Kubarsi tezroq yangi shartnoma borasida kelishib olmoqchi. Jurnalist Rojer Torelloning ma'lumotlariga ko'ra, tomonlar tezda murosaga erishish umidida allaqachon muzokaralar olib bormoqda.

Qayd etilishicha, Kubarsi uzoq yillar davomida "Barselona"da o'ynashda davom etmoqchi. Tomonlar ushbu mavsum yakuniga qadar bir to'xtamga kelishlari mumkin.

Yosh Kubarsi "Barselona"ning asosiy markaziy himoyachisi hisoblanadi. Pau bosh murabbiy Xavi Ernandesning ishonchini qozondi, u matbuot anjumanlarida muntazam ravishda futbolchini maqtadi.