Kataloniyaning “Barselona” klubi bosh murabbiyi Xavi Ernandes Chempionlar ligasining yarim finaliga chiqish uchun jamoasiga nimalar kerakligi haqida gapirdi. “Ko'k-anorranglilar” chorak finalda “PSJ”ga qarshi o'tkazilgan ilk uchrashuvda minimal 3:2 hisobida zafar quchgandi.

“Biz dunyoning eng yaxshi jamoalaridan biriga va sayyoradagi eng yaxshi murabbiylardan biriga qarshi o'zimizni isbotlashimiz kerak. Bizda aniq ustunlik bor. Agar biz o'zimizni jamoa sifatida ko'rsatsak, Chempionlar ligasining yarim finaliga chiqish imkoniyatimiz katta, deb o'ylayman”, - dedi Xavi matbuot anjumanida.