"Bavariya"ning sobiq bosh murabbiyi Xans-Diter Flik "Barselona"da ishlashni intiqlik bilan kutmoqda. Nemis murabbiyi mavsum yakunida jamoani tark etishi mumkin bo'lgan Xavi Ernandesning potentsial o'rinbosarlari ro'yxatidan joy olgani haqida avvalroq xabar berilgandi.

Flik Kataloniya grandi rahbariyatidan o'z pozitsiyasini aniq belgilashini istamoqda. Murabbiy kelgusi yillarda kelajakni rejalashtirishni boshlamoqchi.

Biroq, "Barselona" mutaxassisni ustuvor variant deb hisoblamay, unga kafolat berishga shoshilmayapti. 59 yoshli murabbiyning so'nggi ish joyi Germaniya terma jamoasi bo'lib, u 2021 yildan 2023 yilgacha murabbiylik qilgan.