"PSJ" vingeri Bredli Barkola "Barselona"ga qarshi Chempionlar ligasi javob o'yinida birinchi golni o'tkazib yuborganidan keyin o'z his-tuyg'ulari haqida gapirdi.

"Gol o'tkazib yuborganimizda, menda jamoadoshlarimning yuziga qarash refleksi paydo bo'ladi. Ularda hech qanday shubha ko'rmadim, zarracha qo'rquvni ham his qilmadim. Va keyin men o'zimga dedim: "Qani, ketdik" - , dedi Barkola RMC Sport bilan suhbatda.

Joriy mavsumda 21 yoshli futbolchi barcha turnirlar doirasida 36 ta uchrashuvda ishtirok etib, 3 ta gol urdi va 8 ta golli uzatmani amalga oshirdi.

"PSJ" Chempionlar ligasi yarim finalida "Borussiya Dortmund"ga qarshi bahs olib boradi. Jamoalar o'rtasidagi birinchi o'yin 1 may kuni, javob o'yini 7 may kuni bo'lib o'tadi.