"Barselona" La Liga mavsumi tugashiga besh tur qolganda Chempionlar ligasi navbatdagi mavsumida ishtirokini kafolatladi. Dushanba kuni Kataloniya grandi “Valensiya”ni mag'lub etdi (4:2) va shu tariqa beshinchi o'rindagi “Atletik”dan ochkolari farqini 15 taga etkazdi. Basklar jamoasi endi bu farqni yo'q qila olmaydi, chunki ular shaxsiy uchrashuvlarda "ko'k-anorranglilar"ga mag'lub bo'lishdi. Shu tariqa, “Barselona” muddatidan avval Chempionlar Ligasi 2024/25 yo'llanmasini qo'lga kiritdi. Avvalroq, La Liga turnir jadvalida "Barselona"dan 11 ochkolik farq bilan peshqadamlik qilayotgan "Real Madrid" eng nufuzli evrokubokning yangi mavsumida ishtirok etishini kafolatlagan edi.