"Barselona" bosh murabbiyi Xavi Ernandes yana klubda qolish qarori haqidagi savolga javob berdi. Yanvar oyida murabbiy mavsum yakunlanganidan so'ng darhol o'z lavozimini tark etishini ma'lum qilgandi. Yaqinda klub mutaxassisni kamida yana bir yil qolishga ko'ndira oldi. "Qolish qarori men uchun oson bo'ldi. Ilgari men mas'uliyatni his qilardim va ketish yaxshiroq deb o'ylardim, lekin oylardan keyin yana hamma narsaga ishonchim komil bo'ldi. Men klub, uning prezidenti, Deku va futbolchilar tomonidan qo'llab-quvvatlanayotganimni his qildim. Bu asosiy omil bo'ldi", - dedi Xavining "Barselona"ning "Valensiya"ga qarshi o'yinidan (4:2) keyin.