«Barselona» klubi joriy mavsumda o'zi ishtirok etgan musobaqalarning birortasida g'alabani qo'lga kirita olmadi. Jamoa mavsumni sovrinsiz yakunladi. "As" nashri tarqatgan xabarga ko'ra, kataloniyaliklar sovrin uchun o'yinchilarga to'lanmagan mukofot tufayli 40 million evro pulni tejashdi. La ligadagi chempionlik uchun «Barsa»ning har bir futbolchisiga 750 ming evro to'lanishi ko'zda tutilgan. Futbolchilar Evropa chempionlar ligasidagi chempionlik uchun 1 million evrodan mukofot olishi belgilab qo'yilgan. Ispaniya kubogida esa maxsus sxema bor. Klub Kubokdan tashqari yana bir sovrinni qo'lga kiritsa, futbolchilarga qo'shimcha 250 ming evrodan olishi ko'zda tutilgan.Mavsum-2023/24da «ko'k-anorranglilar» futbolchilariga jami 20 million evro miqdorida mukofot to'langandi.