"Barselona" hujumchisi Robert Levandovski 2012 yilda sodir bo'lgan voqeani esladi.

O'shanda polshalik futbolchi "Manchester Yunayted"ga o'tishga rozi bo'lgandi. Biroq yakunda transfer amalga oshmagandi.

"Men "Manchester Yunayted"ga "ha" dedim. Chunki ser Aleks Fergyuson sizga qo'ng'iroq qilganida, rad etishning iloji yo'q. Ammo Dortmundning "Borussiya" klubi prezidenti bilan bo'lgan suhbatni ham eslayman. U klubga men kerakligimni aytdi va ular meni "Manchester Yunayted"ga sotmasliklarini aytdi" - dedi Levandovski Rio Meets dasturida.

Levandovski 2013/2014 yilgi mavsum oxirigacha "Borussiya"da o'ynagan va "Bavariya"ga o'tgandi.