"Barselona" himoyachisi Ronald Arauxo kelajagi haqida fikr bildirdi.

"Xavotir olmayman. Klub bilan amaldagi shartnomam 2026 yilgacha mo'ljallangan. Vakillarim rahbariyat bilan muzokaralar olib borishadi, ammo hozir bor e'tiborimni Urugvay terma jamoasiga qaratganman", - dedi Arauxo.

O'tgan mavsumda 25 yoshli himoyachi barcha turnirlarni hisobga olgan holda 37 uchrashuvda maydonga tushib, bitta gol urdi va ikkita golli uzatmani amalga oshirdi.

Transfermarkt portali ma'lumotlariga ko'ra, Arauxoning narxi 70 million evroga teng. Eslatib o'tamiz, "Barselona" mavsumni La Liga turnir jadvalida ikkinchi o'rinda yakunladi.