De la Fuente: "Pedrining terma jamoadagi vazifalari "Barselona"dagidan farq qiladi"
Ispaniya terma jamoasi bosh murabbiyi Luis de la Fuente Pedriga qo'yayotgan talablari haqida gapirdi.
Shanba kuni "Barselona" yarim himoyachisi "qizil furiya"ning Shimoliy Irlandiyaga qarshi o'rtoqlik uchrashuvida (5:1) dubl qayd etdi.
21 yoshli futbolchi uchun bu terma jamoa safidagi ilk gollardir.
"Men Pedrining raqib jarima maydonchasiga yaqinroq harakat qilishini istayman. Uning Ispaniya terma jamoasidagi vazifalari "Barselona"dagidan farq qiladi", - deya de la Fuentening so'zlarini keltiradi Barca Times.