"Barselona" yarim himoyachisi Serxi Roberto jamoada qoladi. Bu haqda Diario Sport xabar bermoqda.

Manbaga ko'ra, "Barselona" va Roberto hamkorlikni uzaytirish bo'yicha kelishuvga erishgan. Qayd etilishicha, moliyaviy feyr-pley bilan bog'liq muammolar tufayli kataloniyaliklar futbolchi uchun yangi shartnoma rasmiylashtira olmayapti.

Manbaning ta'kidlashicha, Robertoning o'zi ham o'z jamoasida qolishni istaydi, shuning uchun u "Barselona" bilan rasmiy shartnomasiz ham mavsumoldi mashg'ulotlarini boshlashga tayyor.

32 yoshli futbolchi butun faoliyatini "Barselona"da o'tkazdi. O'tgan mavsumda u barcha musobaqalarda 24 ta o'yinda qatnashib, 3 ta gol urdi va 3 ta golli uzatmani amalga oshirdi.