Mish-mishlar "Liverpul" hujumchisi Luis Diasni "Barselona"ga bog'lashda davom etmoqda.

Transfer News Live nashri xabar berishicha, kolumbiyalik futbolchi kataloniyaliklar sport direktori Deku tomonidan yozgi transfer bozoridagi ustuvor maqsad sifatida belgilangan.

Transfermarkt portali Luis Diasni 75 million evroga baholamoqda. 2023/2024 yilgi mavsumda kolumbiyalik futbolchi “Liverpul” safida 51 ta o'yin o'tkazib, 13 ta gol va 5 ta golli uzatmani amalga oshirgan. Avvalroq, matbuotda 27 yoshli Diasning Ispaniyada o'ynash istagi borligi haqida ma'lumotlar paydo bo'lgandi.