Ispaniya terma jamoasi va «Barselona» futbolchisi Lamin Yamal «Real» vakili Daniel Karvaxal bilan munosabatlari haqida fikr bildirdi.

16 yoshli vinger Evro-2024 doirasidagi Xorvatiyaga (3:0) qarshi o'yinda «Los-Blankos» himoyachisiga assistentlik qildi. Karvaxal va Yamal golni birgalikda nishonlashdi va bu terma jamoada klubga mansublik unchalik muhim emasligini yaqqol ko'rsatdi.

«Karvaxal bilan golni nishonlash? Men «Barselona»danman, u esa «Real»dan bo'lgani uchun odamlar bizni til topisha olmayapti, deb o'ylaydi. Ammo bu noto'g'ri - bizda munosabatlar a'lo darajada», - deya Evro tarixidagi eng yosh golli uzatma muallifiga aylangan Yamaldan iqtibos keltiradi "Barca Times".