"Barselona" markaziy himoyachisi Ronald Arauxo yozgi mavsumda klubini o'zgartirishi mumkin.

Sport.es xabariga ko'ra, 25 yoshli futbolchining xizmatlariga "Manchester Yunayted" qiziqish bildirmoqda. Qayd etilishicha, ingliz klubi agar futbolchi jamoaga qo'shilsa, uning maoshini ikki barobar oshirishga tayyor.

Oldinroq urugvaylik futbolchi Kataloniya klubi bilan shartnomasini uzaytirishdan bosh tortgani haqida ma'lumotlar paydo bo'lgandi. Himoyachining o'zi kelajagi haqida gapirmadi va ayni damda bor e'tiborini faqat Amerika kubogiga qaratganini aytdi.