"Atletiko Madrid" prezidenti Enrike Sereso Joau Feliksning jamoaga qaytishi haqida gapirdi.

Portugaliyalik futbolchi "Barselona"da ijara asosida o'tkazgan bir mavsumdan so'ng "matraschilar"ga qaytadi. Forvard doimiy ravishda Kataloniya klubiga o'tishni afzal ko'rishini tan oldi, ammo u "Atletiko"da yangi mavsumga tayyorgarlik ko'radiganga o'xshaydi.

“Biz Feliksning bizga qo'shilishini kutmoqdamiz, chunki u bizning futbolchilarimizdan biri. Joau ajoyib futbolchi. U qaerga bormasin muvaffaqiyatga erishadi, shubhasiz. Hozir biz uning nima istayotganini tushunishimiz kerak”, - dedi Sereso ispan jurnalistlariga bergan intervyusida.