Pedrining ishonchi komilki, Lamin Yamal "Golden Boy" sovrinini qo'lga kiritadi.

Mukofot kuchli ligalarda o'ynayotgan 21 yoshgacha bo'lgan futbolchilar o'rtasida Evropaning eng yaxshi yosh futbolchisiga beriladi.

"Golden Boy" yuz foiz uniki bo'ladi", - dedi "Barselona" va Ispaniya terma jamoasi yarim himoyachisi.

O'tgan mavsumda Lamin Yamal "Barsa" safida La Ligada 37 ta o'yinda maydonga tushib, 5 ta gol urdi va 5 ta golli uzatmani amalga oshirdi. Shuningdek, u Evro-2024 musobaqasida bitta gol va to'rtta golli uzatmani amalga oshirgan eng yaxshi assistent va eng yaxshi yosh futbolchiga aylandi.