"Real Madrid" Endrikning Evropa futboliga moslashishi hech qanday qiyinchiliksiz o'tishiga umid qilmoqda.

Yaqinda o'zining 18 yoshini nishonlagan forvard iyul oyida "Palmeyras"dan "Los-Blankos" safiga qo'shildi. Diario AS xabariga ko'ra, "Real Madrid" "Barselona"ning xatolarini takrorlamoqchi emas: madridliklar murabbiylar shtabi Vitor Rokening Kataloniya jamoasidagi muvaffaqiyatsiz tajribasini takrorlamaslik uchun mavsumoldi o'yinlaridan boshlab asta-sekin Endrikni asosiy tarkibga kiritadi.

Roke "Barselona"ga yanvar oyida "Atletiko Paranaense"dan sotib olingandi. 19 yoshli futbolchining agenti Braziliyadan ko'chib o'tgandan keyin "ko'k-anorranglilar"da ko'proq o'yin daqiqalarini olishni kutganini tan oldi.