"Barselona" Niko Uilyams bilan shartnomani yopa olmasa, Dani Olmoni qo'lga kiritish uchun qo'lidan kelganini qiladi.

22 yoshli "Atletik Bilbao" vingeri "blaugrana"ning asosiy maqsadi, ammo futbolchining transferiga rozi bo'lish oson bo'lmaydi. Jurnalist Toni Xuanmarti fikricha, agar muzokaralar yakunda boshi berk ko'chaga kirib qolsa, "Barselona" Olmoni sotib olishga e'tibor qaratadi. “RB Leyptsig” Ispaniya terma jamoasining 26 yoshli futbolchisi uchun taxminan 60 million evro so'ramoqda, Kataloniya rahbariyati esa chegirma olishga harakat qiladi.

Dani Olmo ham xuddi Niko Uilyams kabi Ispaniya terma jamoasi tarkibida yaqinda yakunlangan Evro-2024 musobaqasida g'olib chiqdi.