"Barselona" yozgi transfer oynasida tarkibini kuchaytirish ustida ishlamoqda. Kataloniyaliklar yarim himoyachi Dani Olmoni qo'lga kiritish uchun bor kuchini sarflamoqda. Nufuzli insayder Fabritsio Romanoning ijtimoiy tarmoqlarda xabar berishicha, kataloniyaliklar 26 yoshli futbolchi bilan 2029/2030 yilgi mavsum oxirigacha olti yillik shartnoma borasida kelishib olishgan.

Qayd etilishicha, “Barselona” Olmo bo'yicha “RB Leyptsig”ga yangi taklif yuborgan. Kataloniyaliklar futbolchi uchun kafolatlangan 55 million evro, oson olinadigan bonuslar uchun 4 million evro va qiyin olish uchun 3 million evro taklif qilmoqda.

Evro-2024da yaxshi o'yin ko'rsatgan Dani Olmoning o'zi ham "Barselona"da o'ynashni juda xohlaydi.