"Manchester Siti" bosh murabbiyi Pep Gvardiola "Barselona" bilan mavsumoldi o'yinining tanaffus vaqtida Erling Xoland almashtirilganini tushuntirdi.

"Erling o'zini noqulay his qilmoqda. Biz tavakkal qilishni xohlamaymiz. Ammo ertami-kechmi u mashg'ulotlar va daqiqalar bilan harakat qilishiga to'g'ri keladi.

Mavsum yaqinlashib qoldi. Biz uni uch hafta yoki bir oy davomida yo'qotish xavfini tug'dirmoqchi emasmiz. Bu muammo bo'ladi. U o'zini yaxshi his qilmadi va ikkinchi bo'limda o'ynamadi" - dedi Gvardiola.

10 avgust kuni "Manchester Siti" Angliya Superkubogi uchun bahsda "Manchester Yunayted"ga qarshi maydonga tushadi.