«Barselona» markaziy himoyachisi Ronald Arauxo haligacha klubning yangi shartnoma bo'yicha taklifiga javob bermadi.

«Ko'k-anorranglilar» rahbariyati urugvaylik futbolchini yanvar oyida yangilangan shartnoma imzolashga taklif qilgan, biroq hech qanday munosabat bildirilmagan. "Sport" xabariga ko'ra, bugungi kungacha vaziyat o'zgarmagan - «Barselona» hali ham 25 yoshli futbolchining fikrini kutmoqda. Markaziy himoyachini klub talab qilayotgan moliyaviy sharoit qoniqtirmayapti.

Ronald Arauxoning amaldagi shartnomasi 2026 yilning o'rtalariga qadar amal qiladi.