"Barselona" prezidenti Joan Laporta "Atletik"dan Niko Uilyamsni sotib olishni birinchi maqsad sifatida belgilab qo'ydi va sport direktori Deku muvaffaqiyatsizlikka uchraganidan so'ng futbolchi bilan muzokaralarni shaxsan o'zi olib boradi. Bu haqda Ispaniyaning Sport.es nashri xabar berdi.

Manbaga ko'ra, Laporta Kataloniya jamoasi mavsumoldi yig'inida bo'lgan AQShdan qaytgach, Uilyams vakillari bilan muzokaralarni boshlaydi.

Shuningdek, "Barselona" prezidenti allaqachon Niko Uilyamsni qo'lga kiritish uchun ularga 80 million evro beradigan kompaniyaga murojaat qilgan.

Avvalroq "Atletik" va "Barselona" o'rtasidagi muzokaralar boshi berk ko'chaga kirib qolgani haqida xabar berilgandi.