«Barselona» vingeri Lamin Yamal La Liga doirasida «Rayo Valekano»ga qarshi kechgan bahsda (1:0) almashtirilganidan juda norozi bo'ldi. Ispaniyalik futbolchi o'yinning 82-daqiqasida zaxiraga olindi.

Maydonni tark etar ekan, Yamal bir necha bor: «Doim men. Bu aqlsizlik», — deya takrorladi. Qayd etilishicha, futbolchi bosh murabbiy Xansi Flik tomonga hatto qayrilib ham qaramagan.

Zaxira o'rindig'ida ham Lamin qo'l harakatlari bilan maydon tomonni ko'rsatib, o'z e'tirozini davom ettirdi. Yakunda 18 yoshli o'yinchi uchrashuv tugashini kutmasdan, kiyinish xonasiga yo'l oladigan tunnelga kirib ketdi.